PAGDATING NG MESIYAS

PAGDATING NG MESIYAS

ni. Lawrence R. Gonzales

ISANG ANGHEL ANG BIGLANG LUMABAS

MENSAHERONG NAGMULA SA TAAS

UPANG IHAYAG, ANG PAGDATING NG MESIYAS

ANG NAG-IISANG TAGAPAGLIGTAS.

ISANG BITUIN ANG TILA NAGNINGAS

NAGSILBING ILAW NG MGA PANTAS

UPANG MAHANAP ANG TAMANG LANDAS

SA KINAROROONAN NG MESIYAS.

SI HARING HERODES AY MARAHAS

ANG TULAD N’YA AY PARANG AHAS

BINALAK LINLANGIN ANG MGA PANTAS

KANYANG KABAITAN AY ISANG PALABAS.

INUTOS NG HARI BATA AY PATAYIN

KAHIT SANGGOL AY HINDI PATATAWARIN

AKALA NG HARI TRONO AY AAGAWIN

KUNG KAYA’T SI HESUS AY NAIS N’YANG PASLANGIN.

SA TULONG NG ANGHEL SILA’Y NAKATAKAS

AT SA PANGANIB SILA’Y NAKALIGTAS

SA BETLEHEM LIHIM SILANG NAKALABAS

LALAKI ANG BATA MATALINO AT MALAKAS.