PIROT - BARUMBADO LYRICS

PIROT - BARUMBADO LYRICS

Ako ginbun-ag sa kalibutan

Lunsay lang kalisod ang akun nga na aguman

Sari-sari nga bisyo  ang akon na sudlan

Sanglit sang pagpabaya sang akon ginikanan

Si nanay, si tatay, masako pirme

Ang ila negosyo amo ang ginapasulabi

Halos nga adlaw-adlaw masunsun ang pagbiyahe

Ang ila pagpalangga wala ko mabatyage

Diri ko kag natun-an ang bisyo

Sinehan kag betahan ang ginabalik-balik ko

May makadto sa diskohan, upod sa mga amigo

Dili gid mapaiway ang pagkabarumbado

Pati na ang pagtuon ko ginpasipad-an

Kay ang huna-huna ko sinehan kag betahan

Labi na kung makita ko ang na-flash nga larawan

Daw dili gid mapanas sa akon panumduman

Sang ako ang hamtong na nga lalaki

Tinubuan sang luyag  sa isa ka babaye

Wala gid nakasalir ang akun nga diskarte

Kay ang iya mga Ingles, dili ako makaintindi

Chorus:

Diri ko kag matul-id ang tanan

Nga ang pag-eskwela di dapat pasipad-an

Kay ang kinaalam manggad sang kabataan

Kag hiyas nga bahandi labaw pa sa bulawan

Sa karon ako na ang ginasaligan

Nga ako man lang gali ang may kasaypanan

Kay ang paghimakas sang mga ginikanan

Para lang sa buas-damlag sang ila kabataan

(repeat chorus)

Kay ang kinaalam manggad sang kabataan

Kag hiyas nga bahandi labaw pa sa bulawan