Ang Uwak At Ang Banga (Pabula)

Ang Uwak At Ang Banga

Isang araw, sa panahon ng tagtuyot, naghahanap ang isang uhaw na uwak ng tubig na maiinom. Uhaw na uhaw siya at buong araw siyang naglalakbay. Mamamatay siya sa uhaw kapag hindi siya nakainom ng tubig sa pinakamadaling panahon. Sa wakas ay nakahanap siya ng isang banga na may lamang maliit na tubig sa loob nito. Subalit ang banga ay mataas at may makitid na leeg. Kahit anong subok niya ay hindi niya abot ang tubig. 

Pagkatapos ay isang ideya ang kanyang naisip. Kumuha siya ng maliit na bato at inilagay sa loob ng banga. Sa bawat maliliit na bato na iniligay niya sa loob ay unti-unting tumataas ang tubig. Ipinagpatuloy niya nag paglalagay hanggang sa abot na ng kanyang tuka ang tubig at siya ay nakainom.

Ang Aral ng Kuwento: Kung sa simula ay hundi ka nagtagumpay, huwag sumuko! Ang pagtitiyaga ang susi sa paglutas ng anumang suliranin. Kung hindi nalutas ng unang solusyon ang isang problema ay humanap at mag-isip ng iba pang solusyon. Patuloy kang sumubok hanggang sa makuha mo ang tamang sagot at solusyon. Mainam ito kaysa sa wala kang gawin na anuman upang malutas ang problema.