Capampangan Cu - Capampangan Folk Songs

Capampangan Cu Lyrics

Ing balen cung Capampangan
Sale ning leguan at dangalan
Paraiso ne ning cabanalan
Luclucan ning catuliran
Mibait la qng candungan na
Ding bayani ampong biasa
Balen co uliran ca
Lalam ning bandera

Ica ing sibul ning sipagan
Qng pamipalto pagcabiayan
Balen cang cuta ning tetagan
At sandalan ning catimawan
Capampangan a palsintan cu
Sicdulan na ning pangatau
Pagmaragul cu
Ing acu Capampangan cu!