DAHIL SA KASALANAN

 DAHIL SA KASALANAN

Ni: Lawrence R. Gonzales

DAHIL SA AKING KASALANAN

LAGI KITANG INIIWASAN

MADALAS KITANG TALIKURAN

MUNTIK NA KITANG KALIMUTAN.

DAHIL NAIS KO AY KALIGTASAN

PATAWAD SA AKING ALINLANGAN

KAMAY KO AY IYONG HAWAKAN

AT H’WAG MO AKONG BITIWAN.

ILAYO MO AKO SA KAPAHAMAKAN

SA KASALANANG LABIS NA PINAGSISIHAN

MAY DALA ITONG KABIGATAN

ANG DAMDAMIN AY NAHIHIRAPAN.

DUMANAS NG KABIGUAN

AT LABIS NA KALUNGKUTAN

NALUBOG SA KAHIRAPAN

ANG PUSO AT ISIPAN.

SA GITNA NG KADILIMAN

LUMULUTANG ANG ISIPAN

AT HINDI MALAMAN

ANG LANDAS NA PATUTUNGUHAN.

SINAMBIT ANG KANYANG PANGALAN

NAGDASAL SA KANYANG NGALAN

HESUS AKO’Y IYONG TULUNGAN

ILIGTAS AT ILAYO SA KASALANAN.

ITURO MO SA’KIN ANG TAMANG DAAN

ANG LANDAS NG KABUTIHAN

NA MAY PAGMAMAHALAN

PATUNGO SA IYONG GINTONG KAHARIAN.