PIROT - HIMARA-OS LYRICS

PIROT - HIMARA-OS LYRICS

Akon igapatpat sang tul-id ang istorya

Kasaysayan sang Himara-os, Himara-os nga isla

Sa karon Guimaras, Guimaras nga probinsiya

Nga nalikupan sang lima ka banwa

Himara-os ginhalinan, Guimaras nga probinsiya

Ginakabug-usan sang lima ka banwa

Jordan, San Lorenzo, Sibulag, Buenavista

Kag ang ikalima amo ang Nueva Valencia

Matahum nga du-og dugukan sang turista

Halin pa sa Asya, Amerika kag Europa

Mga dumulo-ong kung makabisita

Malingaw sa palibot sang busay kag kuweba

Matin-aw ang tubig-dagat, maputi pa ang balas

Sa pangilid sang baybayon, sa palibot sang Guimaras

Kag puno sang mga tanum nga mapuslanon ang bunga

May palangisdaan kag may humayan pa

Guimaras na sa karon ang tunay nga ngalan

Ginpigay sang hangga sang mga hangkilan

Matahum nga isla kag ginadugukan

Sa mga pumuluyo nangin kadunggunan

Bukid mo kag baybayon amo ang naghamil-ay

Sampi sang kabuhi may kasakit, may kalipay

Kurupoy sang hangin sa kahaponanon

Nagserbi sang kapagros sa mga guimarasnon

Manggahan festival bantog na kaayo

Kag ginadugukan sang madamo nga tawo

Ang pag-indis-indis sang mga produkto

Ginahiwat lamang sa bulan sang mayo

Founder sang pagtaltal si kiling secosana

Nagapamalandong kung mag-semana santa

Ginalatas ang balaang-bukid sang mga sumilimba

Bilang hugot nga mga tumuluo sa Mahal nga Diwa

O Guimaras ko, probinsiya ko nga tinubuan

Tipigi, amligi ang mga katawhan

Ang imo maragtas indi gid malimtan

Sa mga pumuluyo nangin handumanan

Ang imo maragtas indi gid malimtan

Sa mga pumuluyo nangin handumanan