PIROT - BULAK LYRICS

PIROT - BULAK LYRICS

Halos na libot ko ining kalibutan

Sa pagpangita bulak nahamut-an

Diri man lang gali kag masalapuan

Ang nangin kapihak sining akon dughan

Ako nagpalapit sa imo kiliran

Agud magpabutyag sang katuyuan

Kung sarang matugot papa mo kag mama

Ako makigsimpon sa inyong pamilya

Diin ka naghalin, lalaking makahas

Diin ka nga duog sining Pilipinas

Wala ka pa gani nakapakilala

Nagpahayag ka na sang baog mong gugma

Ang akon nga gugma dili lahug-lahug

Tampad gid kag putli kag indi magabuyog

Kung indi pagsundan kag matiklod

Handa magkomitir sang tawag nga hikog

Daan kung nasayran ang mga lalaki

Kung magpangaluyag damu sang diskarte

Makuha na gani gusto sa babaye

Mangin sulumsuman sa alak o whiskey

Lain ako Inday nga pagkasoltero

Natawo sa gugma, gugma nga sinsero

Ako nagasikway malaot nga bisyo

Naga-inpertenar pulong sang Ginoo

Hulat ka lang Nonoy sang diutay nga ti-on

Tun-an ko pa anay kag binag-binagon

Kun may bahin ka man sa taguipusoon

Handa ako inday sa imo maghulat

Labi na sa imo matam-is nga sabat

Magahulat ako bisan sa san-o pa

Tanda sang kaputli ko nga paghigugma

Diri na lang kutob ining banggi-anay

Bangud makapoy man magkanta sing madugay

Ining ambahanon hungod nga ginbalay

Nga makadulot man diutay nga kalipay

Diri na lang kutob ining banggi-anay

Bangud makapoy man magkanta sing madugay