HARANA

INTRO:

Bago man lamang ihigda mo an pagal na lawas mo

Tabi man kadangoga ining sakuyang harana

Bago man lamang ipikit mo an saimong mata

Ipagirumdom ko an nakaagi tang duwa. 

Sa sirong kan magayon na kalangitan

Enot kong nahiling ang saimong kagayunan

Sa kumpas kan mahamis na musika

Duwang puso nagkasabot sa ngaran nin pagkamoot...

...ad lib...

Sa tahaw nin hardin itinanom punong pagkamoot

Ogmang daing ti'gan ang satuyang nanamitan

Sarong banggi sa higdaan nakadangog ako

Garo awit nin gamgam, sarong boses nin aki palan.

Poon saro, naging duwa, ngonian tulo na kita

Sarong sadit na pamilya dai nang hahagadon pa

Sa panahon na may problemang sinkusog nin bagyo

Ika an kaibahan, yaon pirming masasarigan.

Bago man lamang ipahingalo mo an pagal na lawas mo

Tabi man kadangoga ining sakuyang harana

Bago man lamang ipikit mo an saimong mata

Ibalon mo sa pagturog, sarong hadok nin pambalos.

Pabalon ko sa pagturog mo

Sarong hadok na pamabalos.

....ad lib..

"HARANA" is a Bikol love song that is about a man who wants his wife to listen to his harana (serenade). Throughout the song, he wants her to reminisce the time when they were just starting to build a romantic relationship. This song was composed and sung by the band named Isla. Members of the said band are residents of Virac, Catanduanes.